Visste du at regelmessig fotpleie kan forhindre inngrodde negler, tornar og hard hud?
Fotsopp skuldast ein sopp som blir kalla dermatofyttar. Det er soppen sine sporar som spreier smitten, og desse finst ofte i fuktige miljø der mange går berrføtt, for eksempel i offentlege bad og garderobar.
Gnagsår oppstår når huda blir utsett for vedvarande gnissing. Huda blir raud, varm og det blir danna væskefylte blemmer. Gnagsår kan for eksempel oppstå når du går mykje, har nye sko, er ute på tur eller går på ski.
Når huda blir utsett for vedvarande trykkbelasting, blir det danna hard hud. Hudfortjukkinga er kroppen sitt forsvar for å beskytte huda mot vidare slitasje. I enkelte tilfelle blir det danna ein hard kjerne i midten, ein liktorn.