Vernetenesta

Vi har klart definerte verneområde med eit verneombod på kvart apotek som geografisk ligg i Førde, Bergen, Haugesund og Stavanger. Vi har også eit verneombod i føretaksadministrasjonen, som ligg i Bergen. 

Vernetenesta i Sjukehusapoteka Vest har eit føretakshovudverneombod som er kjøpt fri i 20 prosent stilling. Føretakshovudverneombodet har ansvaret for å samordne verksemda til verneomboda. 

Oppgåvene for verneomboda er omtalte i Arbeidsmiljølova med forskrifter som høyrer til. Oppgåvene er også omtalte i HMS-handboka i føretaket. 

Føretaket er i konstant endring og utvikling, og verneomboda må vere i stand til å møte dei utfordringane som kjem. I samarbeid med dei andre føretaka i Helse Vest, har verneomboda derfor utarbeidd ein eigen strategi med klarer verdiar og mål. Strategiane gjer det synleg korleis vi ønsker å utvikle vervet, slik at vi best mogleg kan representere d​ei som har valt oss. 

Vernetenesta skal heile tida bidra til eit best mogleg arbeidsmiljø i Sjukehusapoteka Vest.