Kvifor treng vi ein språkprofil?
Språkprofilen er ein rettleiar for korleis vi skal skrive i Helse Vest. Vi skal bruke klarspråk i alle tekstar, slik at lesarane våre forstår oss og føler seg varetatt. Språkprofilen gjeld for deg som skriv til pasientar og pårørande, fagpersonar og internt i Helse Vest.
Språkprofilen skal hjelpe oss til å ta omsyn til lesarane våre. Måten vi skriv på, skal bidra til at pasientar, pårørande og medarbeidarar opplever oss som profesjonelle, trygge og nære.
Klarspråk
- fremmer pasienten sin tillit til oss
- gjer det lettare å samarbeide på tvers av fag
- minskar faren for feil og misforståingar
- sparer tid og pengar
Kva er klarspråk?
Klarspråk er korrekt, tydeleg og brukartilpassa kommunikasjon. Ein tekst er skriven i klarspråk når lesarane
- finn det dei treng (tydeleg struktur)
- forstår det dei finn (tilpassa språk)
- kan bruke det dei finn, til å gjere det dei skal (tydeleg funksjon)
Kjelde: Språkrådet
Korleis bruke språkprofilen
Språkprofilen har to hovuddeler.
Slik skriv vi klart: Her finn du fire retningslinjer for å gjere tekstane enklare å lese for mottakaren.
Slik skriv vi korrekt: Her finner du eit utval skrive- og teiknsettingsreglar, til dømes korrekt skrivemåte for teikn, tal og forkortingar. Ofte finst det fleire korrekte skrivemåtar. I desse tilfella anbefaler språkprofilen ein skrivemåte som skal vere felles for Helse Vest.
Kjelder
- Stavanger kommune
- Språkrådet
- KS
- NTB Arkitekst