Vi anbefaler at du alltid bruker siste versjon av nettleseren din.

Våre hovudområde

Sjukehusapoteka er sjukehusa og i første rekke spesialisthelsetenesta sine apotek – og vår hovduoppgåve er å levere legemiddel og farmasøytiske tenester til sjukehusa og pasientane deira.

Hovudoppgåva er delt på fire verksemdsområde: produksjon, sjukehusekspedisjon, publikumsutsal (som liknar det vi vanlegvis tenkjer på som apotek) og farmasøtyisk rådgjeving.  

Desse fire verksemdsområda finst ved dei fire største apoteka våra, i Bergen, Stavanger, Haugesund og Førde, mens Haralsplass har sjukehusekspedisjon og publikumsutsal. Det same vil det planlagde apoteket som opnar på Våland i Stavanger.  

I Sjukehusapoteka Vest har vi også et særleg for nasjonal beredskapslagring av legemiddel – pluss at vi i 2025 riggar oss for å starte eit pakkeanlegg for eindosar i Haugesund. 

Produksjonsavdelingane lagar legemiddel som må tilpassast kvar enkelt pasient, til dømes sterile preparat som cytostatika og antibiotikapumper. Dette er viktig for pasientar som treng spesialtilpassa behandling. Hovudoppgåva er å sikre trygg og effektiv produksjon av legemiddel som ikkje kan skaffast på annan måte. Pasientar og helsepersonell har stor nytte av denne tenesta, då det aukar pasientsikkerheita og behandlingskvaliteten. 

Sjukehusekespedisjon leverer legemiddel gjennom ulike tenester og måtar direkte til sjukehusavdelingar. Dei samarbeider tett med sjukehus og leverandørar for å sikre rett legemiddel til rett tid. Dette er avgjerande for helsepersonell og pasientar, då det bidreg til effektiv drift og god pasientbehandling. 

Publikumsutsala tilbyr reseptmedisin, råd om legemiddelbruk, vaksinasjon og andre farmasøytiske tenester. Her kan pasientar, pårørande, sjukehustilsette og publikum elles få hjelp med sine behov. Hovudmålet er å gi god service og rettleiing, noko som er verdifullt for både pasientar og samfunnet generelt. 

Publikumsutsala tilbyr reseptmedisin, råd om legemiddelbruk, vaksinasjon og andre farmasøytiske tenester. Her kan pasientar, pårørande, sjukehustilsette og publikum elles få hjelp med sine behov. Hovudmålet er å gi god service og rettleiing, noko som er verdifullt for både pasientar og samfunnet generelt. 

Pakkeanlegget for eindose i Haugesund er eit nytt og innovativt verksemdsområde for Sjukehusapoteka Vest. Anlegget, som er lokalisert under bakken på Haugesund sjukehus, skal etter planen levere ferdigpakka eindosar til alle sjukehusa i Helse Vest. Dette bidreg til å styrke pasienttryggleiken ved å redusere risikoen for legemiddelfeil og effektivisere legemiddelhandteringa i sjukehusa. Drifta av pakkeanlegget skjer gjennom ei eiga nyoppretta avdeling som ligg til Sjukehusapoteket i Haugesund.

To store endosemaskiner står i et åpent rom, uten noen folk i nærheten.
Eindoseanlegget i Haugesund skal vere ansvarleg for pakking av eindosar til heile Vestlandet.

Nasjonalt beredskapslager for legemiddel, B180, ligg under seksjonen for legemiddelberedskap i administrasjonen i Sjukehusapoteka Vest. Lageret er etablert for å sikre tilgang til kritiske legemiddel i Noreg, både for spesialisthelsetenesta og primærhelsetenesta, ved svikt i normal forsyning.  

B180 inneheld legemiddel tilsvarande seks månaders (derav talet 180 i namnet) forbruk og nyttar ein rullerande lagerstrategi for å unngå ukurans og sikre ferske varer. Seksjonen for legemiddelberedskap koordinerer arbeidet med innkjøp, lagerhald og distribusjon, og samarbeider tett med aktørar som Helsedirektoratet, Direktoratet for medisinse produkter (DMP), Sykehusinnkjøp og grossistar. Dette arbeidet bidreg til å oppretthalde forsyningstryggleik og trygg behandling for pasientar over heile landet. 

Lagbilde av de ansatte i seksjon for B180 beredskapslager.
Bilete av dei tilsette i seksjon for B180 legemiddelberedskapslager.

Vi har hatt  aktivitet på området forsking og innovasjon, SOM tre ulike såkornprosjekt, seks masterprosjekt og følgjeforskingsprosjekt for pasientens legemiddelliste (PLL). I tillegg blir det arbeidd med å førebu forsking og vidareutvikling på området metodar for utøving av klinisk farmasi. Gjennom tenester på området «kliniske utprøvingar av legemiddel (KLUT)» bidreg føretaket til omfattande forskingsverksemd i sjukehusføretaka. 

Sist oppdatert 28.03.2025